General Santos City – Kagahapong adlawa, gipahigayon ang Christmas Gift sa Bobslor Pacquiao Foundation sa Barangay Bawing Gymnasium, inubanan sa 1Pacman Partylist, alang sa 740 ka mga Senior Citizen sa nahisgutang barangay, diin malipayong gidawat sa mga senior ang mga grasya nga dala sa maong programa.
Si Mayor Lorelie Geronimo Pacquiao mitambong sa maong kalihukan, kauban ang Liga ng Barangay President, Konsehal Bobby Pacquiao, ug Kagawad Graziel Pacquiao, kinsa nagsilbi nga simbolo sa suporta sa mga senior citizen nga naa didto. Ang ilang presensya maoy pruweba sa padayong pagpakabana sa pamilyang Pacquiao sa katawhan ilabi na sa mga nanginahanglan.
Kabahin sa Christmas Gift, nakadawat og spaghetti package ug bugas ang mga senior citizens nga seguradong makapalipay nila karong umaabot nga holiday season.
Kini nga proyekto usa ka pruweba sa padayon nga pag-atiman ug pagpakabana sa lokal nga kagamhanan ug sa 1Pacman Partylist alang sa kaayohan sa mga tigulang sa komunidad. (Rem Agdon)
News&Photos: CMO