Wa na maka iskapo sa kamot sa mga tinugyanan sa balaod,homan masikop sa usa ka buy bust operation ang 23 anyos nga nailhang Street Level Individual ( SLI) pasado alas 3:00 ang takna sa kadlawon, Hulyo 24,2025 ,didto sa Barangay Poblacion, Leon Postigo, Zamboanga del Norte.
Ang operasyon gihimo pinaagi sa mga personahe sa Leon Postigo Municipal Police Station (MPS) isip lead unit, sa koordinasyon sa Zamboanga del Norte Provincial Drug Enforcement Unit (ZNPDEU) ug sa koordinasyon sa PDEA,nga miresulta sa suspek, nga 23 anyos, lalaki, ulitawo, walay trabaho, ug residente sa Barangay Piao, Sindangan, Zamboanga del Norte bag-ong giila nga Street-Level Individual, nga nalambigit sa ilegal nga kalihukan sa drugas.
Atol sa operasyon nasakmit gikan sa suspek ang usa ka piraso sa heat-sealed transparent plastic sachet nga adunay sulod nga gidudahang shabu nga buy-bust item; lima ka dugang nga heat-sealed transparent plastic sachet sa gidudahang “shabu” nga adunay kinatibuk-ang gibug-aton nga kapin o kulang duha 2 ka gramo; ug usa ka piraso sa P500.00 bill nga gigamit isip buy-bust money.
Ang mga nakumpiska nga drug items ang gidala sa Zamboanga del Norte Provincial Forensic Unit alang sa laboratory examination.(Medalyn U. Borja)
Samtang, balhog na karon ang dinakpan sa kustodiya sa Leon Postigo MPS alang sa tukmang disposasyon.
Source: ZNPPO