Tugpa sa prisohan ang usa ka 22 anyos nga lalaking Wanted sa Krimen nga Qualified Theft of Coconuts, kon pagpangawat og lubi, pinaagi sa gipahigayon nga Joint Law Enforcement Operation, nga gipangunahan sa mga personahe sa Roxas Municipal Police Station (RMPS), didto sa Sitio Sibalog, sa Barangay Situbo, sa nahisgutang Lungsod, ning Probinsiya sa Zamboanga Del Norte, niadtong nakalabay’ng adlaw Agusto 31, 2025, sa may alas 9:05 sa gabie.
Giila sa Roxas Pnp ang dinakpan sa alyas nga Banie, ulitawo nga walay trabaho, ug Lumolupyo ra usab sa nasangpit nga Barangay, diin gisikop kini sa mga awtoridad, pinasikad sa Warrant of Arrest nga naka doket ubos sa Criminal Case Number 27940, nga giisyu ni Victoriano Dionglay Lacaya, ang Presiding Judge sa Regional Trial Court 9th Judicial Region, Dipolog City, penitsahan og Abril 12, 2025.
Hinuon, gitugotan sa korte nga maka angkon og temporaryong kagawasan ang nasangpit nga suspetsado, pinaagi sa piyansa nga nag kantidad og mokabat ngadto sa Php40, 000.00.
Sa pagka karon ang nahisgutang dinakpan atua na ubos sa kustodiya sa Roxas Municipal Police Station (RMPS), alang na tukmang disposisyon.(Julius Esmade)