Usa ka malampusong Entrapment operation ang gihimo sa mga personahe sa CIDG ZDN PFU (Lead Unit) kauban ang Dipolog CPS pinaagi sa OPLAN OLEA (Entrapment Operation) for Extortion ug OPLAN PAGLALANSAG OMEGA nga miresulta sa pagkasikop sa 2 ka suspek mga 11:15 sa buntag Agusto 31,2025, didto sa Barangay Olingan ning dakbayan sa Dipolog.
Ang duha ka mga suspek naila usa 36 ug 34 anyos,puros lalaki,residente sa Barangay Galas ning syudad sa Dipolog.
Nasayran nga ang PNP composite team nagpahigayon og entrapment operation alang sa extortion nga miresulta sa pagkasikop sa nahisgutang mga suspek human makadawat og extortion money nga mokabat sa P280,000.00 gikan sa usa ka BFP applicant bugti sa garantisadong pagsulod sa Bureau of Fire and Protection nga miresulta sa arm comfrontation nga misangpot sa pagkasikop sa duha ka mga suspek.
Atol sa operasyon nabawi gikan sa unang suspek mao ang Usa ka piraso nga tinuod nga 1,000 peso bill , 279 ka piraso sa 1,000 peso bill nga gigamit isip boodle money; ug Usa ka unit sa cellphone, samtang nabawi usab gikan sa ikaduha nga suspek ang Usa ka yunit sa mubo nga armas,
Dugang pa, ang suspek nga 34 anyos gipusil sa tuong bahin sa nawong ug gidala sa Ace Medical Center Dipolog aron matambalan ug stable na karon ang kondisyon.
Sa pikas bahin ang 36 anyos nga suspek gipahibalo sa hinungdan sa iyang pagdakop ug pagkahuman gipahibalo sa iyang mga katungod sa konstitusyon sa usa ka dialekto nga hingpit niyang nasabtan.
Ang operasyon gidokumento pinaagi sa paggamit sa duha (2) ka Alternative Recording Devices (ARDs).
Ang dinakpan uban sa mga nakumpiska nga mga ebidensiya gidala sa buhatan sa CIDG ZDN PFU alang sa dokumentasyon ug tukma nga disposisyon, samtang giandam ang kasong kriminal alang sa Extortion and Violation of RA 10591 batok sa nahisgutang mga suspek.(Medalyn U. Borja)
Source: CIDG ZDN, PFU
BFP Region 9