Arestado ang usa ka Lalaki sa gikasa nga Joint Police Operation batok sa Illegal Number Games, mga alas 8:40 ang takna sa gabii, Nobyembre 26, 2024, didto sa Brgy. Biayon, Sergio Osmeña, Zamboanga del Norte.
Ang suspetsado usa ka 21 anyos, lalaki, minyo, ug residente sa Brgy Sinai, Sergio Osmeña, Zamboanga del Norte nailhan usab nga usa ka Usher/Collector.
Na aresto kini pinaagi sa ZNPIU kauban ang PNP Personnel sa Sergio Osmeña MPS, 1st ZNPMFC, ug 901st RMFB9 homan nadakpan sa akto sa pag-apil sa Illegal numbers game o mas nailhan Wirik-wirik nga dili otorisado sa PCSO ug nakumpiska ang 11 ka piraso sa tally sheet, 1 ka piraso nga itom nga ballpen, Gamay nga itom nga Sling bag ug P450 nga bet money.
Ang dinakpan gipahibalo sa iyang mga katungod sa konstitusyon pareho sa Miranda doctrine ug anti-torture law ug gidala sa Sergio Osmeña MPS alang sa tukmang disposisyon. (Medalyn U. Borja)
(Source: ZNPPO)