Usa ka malampusong buy-bust operasyon ang nahimo sa Waterfront Police Station didto sa Barangay Tejero, Dakbayan sa Sugbo, pasado alas-10:30 sa gabii, Nobiyembre 29, 2024.
Mga binultong shabu ang nasakmit sa duha ka high value Individuals na adunay timbang nga 3,020 gramos ug standard drug value nga ₱20.5 milyon.
Ang mga nadakpan mao sila si Joanna Batongbakal Gallado, alyas “Ay-ay,” 34 anyos, nga anaa sa drug watchlist, ug si Raymund Toñacao Jorge, alyas “Bagmon,” 33 anyos, usa ka crane operator. Silang duha nagpuyo sa Back Blessed Sacrament, Barangay Tejero.
Ang operasyon gipangulohan sa Cebu City Police Office Director Police Colonel Antonietto Cañete.
Ang kapulisan taud-taud na nga naniid sa ilegal nga binuhatan sa mga suspetsado sa pagpamaligya og ginadiling drugas.
Sa pagkakaron padayon nga gisusi sa kapulisan kung si kinsa ang gug supply og ginadiling drugas sa dinakpan samtang giandam na usab ang kasong kalapasan sa RA 9165 kon Comprehensive Dangerous Drugs Act if 2002. (Renante Socia Lada)
(Source: Cebu City PIO)