Gisukod ang kahibalo ug determinasyon sa 126 ka kabatan-onan nga misulay sa 2026 Scholarship Qualifying Examination sa Dapitan City kaniadtong Abril 26.
Sa pagsugod sa eksamin alas-9:00 sa buntag hangtod alas-12:00 sa udto, gipakita sa mga aplikante ang ilang kahingawa aron makab-ot ang usa ka luna sa scholarship program sa siyudad diin usa ka higayon nga makahatag og dako nga tabang sa ilang edukasyon.
Gipahigayon ang eksaminasyon ubos sa pagdumala sa City Scholarship Program, nga nagpadayon sa paghatag og suporta sa mga estudyante nga nanginahanglan og pinansyal nga tabang.
Matud pa sa lokal nga panggamhanan, ang maong programa usa sa mga prayoridad sa siyudad aron masiguro nga mas daghang kabatan-onan ang makapadayon sa ilang pagtuon bisan pa sa mga hagit sa kinabuhi.(IKEN B. GULLEM)
Source: CITY GOVERNMENT OF DAPITAN