Malampusong nahuman sa 202 ka nutritionally-at-risk households gikan sa Pres. Sergio Osmeña Sr. ug Pres. Manuel Roxas diin nakabenepisyo kini sa HAPAG Kapitbahayanan Tugon sa Nutrisyon Program nga gipatuman kauban sa Provincial Government of Zamboanga del Norte ug Department of Interior and Local Government (DILG) uban sa SEAOIL Foundation, Inc.
Kini nga programa gitumong aron masolusyonan ang kakulang sa pagkaon pinaagi sa pagtudlo sa mga partisipante sa malungtarong paagi sa pagtanom o sustainable agriculture. Uban sa tabang sa mga eksperto, nakapahimo ang mga panimalay ug kaugalingong uma o gulayan aron magtanom ug mga utan para sa konsumo sa pamilya, nga direkta nakapaayo sa ilang nutrisyon. Sa resulta, 60% sa mga abot gigamit sa panimalay, 29% gibaligya, ug 11% gipanghatag, nga nakahatag dugang kita nga ₱800 hangtod ₱8,000 sa mga partisipante.
Mikunhod usab ang food insecurity, diin ang Household Food Insecurity Access Score (HFIAS) misaka gikan 9 ngadto 5, samtang ang gidaghanon sa food-secure households misaka gikan 5 ngadto 18. Nakit-an usab ang pagpaayo sa nutrisyon sa mga bata, diin mikunhod ang kaso sa stunting ug malnutrition samtang misaka ang ihap sa mga normal ang timbang.
Aron mapadayon ang kalampusan, namahagi og binhi, tanom, ug manok ang mga buhatan sa Provincial Agriculturist ug Provincial Veterinary atol sa community celebration.
Samtang, si Governor Darel Dexter T. Uy, uban ang mga opisyales sa SEAOIL Foundation nagkita sa Kapitolyo Probinsyal aron hisgutan ug ipadayon ang programa aron mas mapalig-on pa ang kampanya batok sa malnutrisyon sa probinsya.(IKEN B. GULLEM)