Napuno sa kasikas ug adrenaline ang dakbayan sa Dipolog human ang mga mahiligon sa motorsiklo nagpakita sa ilang katulin ug kahanas atol sa 20th Dahunog sa Dipolog Invitational 1/8 Mile Moto Challenge nga gipahigayon niadtong Oktubre 25–26, 2025, sa D’Food Hub and Events Center, Dipolog Boulevard.
Gipakita sa mga partisipante gikan sa nagkalain-laing lugar ang ilang kaisog, abilidad, ug kahanas sa pagmaneho samtang nagpanglumba sa maong kompetisyon. Nagdagsa usab ang mga motorista ug mga tigtan-aw aron masaksihan ang makapahingangha nga paspasay ug talento sa motorsiklo.
Ang kalihokan usa sa mga gipangandam nga pangunang atraksiyon sa selebrasyon sa Dahunog sa Dipolog, nga nagpakita sa nagkadako nga komunidad sa motorsport sa siyudad ug sa suporta sa mga Dipolognon sa maong isport.IKEN B. GULLEM)