Pormal nga napirmahan niadtong Oktubre 27, 2025 ang Memorandum of Agreement (MOA) alang sa pagtukod sa Mactan-Cebu International Airport Inter-Agency Drug Interdiction Task Group (MCIA-IADITG).
Ang kalihokan gipangulohan sa Philippine Drug Enforcement Agency (PDEA) Region 7 ug gipahigayon sa MCIAA Corporate Building sa Dakbayan sa Lapu-Lapu. Mitambong usab si Asec. Renato G. Gumban, Deputy Director General for Operations sa PDEA, isip tigpamaba sa ahensya.
Lakip sa mga mipirma sa kasabutan mao ang Mactan-Cebu International Airport Authority (MCIAA), Civil Aviation Authority of the Philippines (CAAP), Bureau of Customs (BOC), National Bureau of Investigation (NBI), National Intelligence Coordinating Agency (NICA), Office for Transportation Security (OTS), Aviation Security Unit (AVSEU), Department of JusticeāRegional State Prosecutor (DOJ-RSP), ug PDEA.
Pinaagi sa maong MOA, pormal nga gi-institusyonalize ang koordinadong kalihokan ug kooperasyon tali sa mga ahensya aron palig-onon ang kampanya batok sa pagpanglimbong ug pagpangpasulod sa ilegal nga droga sa Mactan-Cebu International Airport.
Ang PDEA-7 nagpasalig nga padayon silang makig-alayon sa tanang partner agencies aron masiguro ang lig-on nga seguridad ug drug-free environment sa MCIA.
Source: PDEA-7
I via Renante Socia Lada