Mitubag ang LDRRMO Tampilisan sa usa ka aksidente sa kadalanan nga nahitabo sa Znac, Tampilisan, Zamboanga del Norte mga alas 12:25 sa kadlawon, Pebrero 13, 2026.
Ang nadisgrasya usa ka 18-anyos nga babaye, residente sa Liloy ug nakaangkon og samad sa bukton ug mga gasgas sa paa, samtang ang 21 anyos nga lalaki nga taga-Labason nakaangkon og mga samad sa ibabaw ug ubos nga bahin sa lawas. Gihatagan sila dayon og unang tabang sa dapit sa insidente aron maseguro ang ilang kahimtang antes ibalhin.
Human mahatagan og first aid, giluwas ug gidala ang duha ka pasyente sa Liloy Hospital alang sa dugang nga pagtambal ug obserbasyon.
Nagpadayon ang pahimangno sa mga awtoridad sa publiko nga mag-amping sa pagbiyahe, ilabi na sa kaadlawon, aron malikayan ang susamang insidente.(JENIFFER JR. DELICA)
Source: LDRRMO Tampilisan