Dakpan sa mga kapulisan ang duha ka lalaking mipahigayon og iligal nga pagpanagat, atol sa gipahigayon nga Joint Seaborn Patrol Operation, nga gipangunahan sa mga personahe sa Dapitan City Police Station sa kadagatan nga sakop sa dakbayan sa Dapitan, niadtong nakalabay’ng adlaw Hulyo 28, 2025.
Ang nasangpit nga mga dinakpan gisikop tungod sa ilang nabuhat nga pagsupak sa Sec. 113 sa Republic Act 10654 kon (Commercial Fishing Vessel Operators Employing Unlicensed Fisherfolks, Fish worker or Crew), diin ang maong mga suspect, parehong anaa sa hingkod ang pangidaron, nga parehong dili lumolupyo sa nasangpit nga dakbayan.
Sa pagka karon ang mga dinakpan atua na temporaryong gi-kustodiya sa Dapitan City Custodial Facility, alang na sa tukmang disposasyon, samtang ang sakyanan nga ilang gigamit sa iligal nga pagpanagat, lakip na niini ang mga gamit sa Illegal Fishing atua temporaryong naka impound sa Zamboanga Del Norte Maritime Police Station (ZNMARPSTA), samtang giasikaso pa ang pagpasaka og tukmang kaso ngadto sa korte, sa ilang gibuhat nga pagsupak sa balaod ning atong nasud nga Pilipinas.(Julius Esmade)
Source: DAPITAN CPS