Tugpa sa prisohan ang duha ka Lalaking nagpayuhot og smuggled nga sigarilyo, tungod sa gipahigayon nga Joint Buy-bust Operation, nga gipangunahan sa mga personahe sa Katipunan Municipal Police Station, didto sa nasangpit nga Lungsod, ning Probinsiya sa Zamboanga Del Norte, kagahapong adlaw Hulyo 30, 2025.
Giila sa Katipunan PNP, ang mga dinakapan sa alyas nga Soy2x ug alyas Tiyok, nga parehong ana na sa hingkod ang pangidaron, og pareho usab nga lumolupyo sa nahisgutang lungsod, diin ang duroha nasakmitan og nagkadaiyang klase sa mga smuggled nga sigarilyo, nga gibana-bana ang kantidad niining mokabat ngadto sa Php50,424.00, base sa Standard Price sa Bureau of Customs (BOC).
Sa pagka karon ang mga dinakpan atua na ubos sa kustodiya sa Katipunan Municipal Police Station, lakip na niini ang mga nakumpiskang smuggled nga mga sigarilyo gikan kanila, alang na sa tukmang disposasyon, samtang gi-asikaso pa ang pagpasaka og tukmang kaso ngadto sa korte, tungod sa ilang gibuhat nga pagsupak sa Republic Act 10643 kon The Graphic Health Warning Law. (Julius Esmade)
Source: KATIPUNAN MPS