Nag-awhag ang Provincial Government of Zamboanga del Norte sa mga pasyenteng nagkinahanglan og espesyal nga konsultasyon alang sa operasyon nga mopahimulos sa libreng medical check-up nga ipahigayon sa Agosto 4 sugod alas 8:00 sa buntag sa Outpatient Department o OPD sa Zanorte.
Lakip sa libre nga konsultasyon ang mga kaso nga nanginahanglan og operasyon sa kasingkasing ubos ni Dr. Michael Burdador, operasyon sa baga ubos ni Dr. Paul Martin Serios, ug konsultasyon alang sa mga dialysis patient nga nanginahanglan og Arteriovenous Fistula o AV Fistula.
Sumala sa Provincial Government, bukas ang maong serbisyo alang sa mga pasyente nga nagkinahanglan og espesyal nga pagtambal aron masayran kung angayan ba silang operahan o hatagan og dugang nga medikal nga pag-atiman.
Alang sa dugang kasayuran, mahimong moduol ang interesado sa OSAC Center sa Provincial Capitol o sa opisina sa ZNMC Medical Team.(JENIFFER JR. DELICA)
Source: Zamboanga del Norte Medical Team