Padayon ang pagtukod sa duha ka bag-ong mga classroom building sa Cocob Elementary School ug Matunoy Elementary School isip kabahin sa paningkamot sa lokal nga kagamhanan sa Gutalac nga mapalambo ang imprastruktura sa edukasyon sa lungsod.
Personal nga gisubay ni Municipal Mayor Eddie Justin Quimbo, uban ni Vice Mayor Aljohn Garzon, ang kahimtangan sa duha ka proyekto pinaagi sa site inspection. Sa maong kalihukan, ilang gisiguro nga ang ginatukod nga mga classroom lig-on, sakto sa plano, ug makasunod sa saktong kalidad nga kinahanglan alang sa luwas ug komportable nga pagkat-on sa mga estudyante.
Gilauman nga ang classroom building makatubag sa kakulangan ug makatabang sa pagpauswag sa learning environment sa mga kabataan sa barangay Cocob ug Matunoy.
Samtang, dako ang papel sa suporta sa 3rd District sa pagpatuman sa maong mga proyekto, nga nagpakita sa panaghiusa sa lokal ug nasyonal nga liderato alang sa kaayohan sa katawhan.
Sumala sa lokal nga pangulohan, ang padayon nga pagtukod sa mga pasilidad sa eskwelahan usa ka dugay-ng-panahon nga puhunan alang sa kaugmaon sa Gutalac, ilabi na sa sektor sa edukasyon.(IKEN B. GULLEM)
Source: LGU GUTALAC-PUBLIC INFORMATION