Aktibong mipakita ug maayong liderato ug aktibong pagpaminaw sa mga nagkadaiyang hangyo si Sindangan Mayor Glona G. Labadlabad kabahin sa mga nibisitang representante sa publiko ug pribadong sektor.
Mibisita sa Mayor ang pamunuan sa Jose Rizal Memorial State University nga gipangulohan ni University President Dr. Maria Rio A. Naguit aron hisgutan ang posibleng mga proyekto ug partnership niini. Misunod usab ang pakigkita sa PNP Anti-Cybercrime Group gikan Zamboanga City, pinangulohan ni PCol. Gonda, alang sa mas lig-on nga koordinasyon batok sa cybercrime ug sa pag-activate sa Provincial Cyber Response Team sa Zamboanga del Norte.
Dugang pa, nagkatigom si Mayor Glona uban sa pipila ka Department Heads sa LGU Sindangan ug mga kauban aron andamon ang umaabot nga national event sa Enero 31, 2026, nga pagahimuon sa Sindangan People’s Cultural and Sports Center, aron masiguro ang kahapsay, kaluwasan, ug kalampusan sa kalihukan.(IKEN B. GULLEM)
Source: Local Government Unit of Sindangan