Mapasalamaton nga gidawat sa 1st Zamboanga del Norte Provincial Mobile Force Company (1st ZNPMFC) ang gihatag nga donasyon nga 140 ka sako sa bugas (5 ka kilo matag usa) nga gihatag sa Local Government Unit (LGU) sa Dapitan City.
Ubos sa pagpangulo ni PLTCOL Ryan Jay R. Capurcos, Force Commander sa 1st ZNPMFC, giila sa yunit nga dako kaayo og tabang ang maong donasyon dili lamang alang sa ilang mga personahe kondili usab isip suporta sa komunidad nga ilang giserbisyohan.
Matod pa sa pamunuan sa 1st ZNPMFC, ang maong buhat sa LGU sa Dapitan City nagpakita sa lig-on nga panaghiusa ug kooperasyon tali sa lokal nga kagamhanan ug sa Philippine National Police (PNP), ilabi na sa pag-atiman sa panginahanglan sa kapulisan ug sa katawhan.
Sa ngalan sa tanang miyembro sa 1st ZNPMFC, ilang gipahayag ang dakong pagpasalamat sa LGU sa Dapitan City alang sa walay pagduha-duha nga suporta. Gipasalig usab sa yunit nga magpadayon sila sa ilang katungdanan sa pagpanalipod ug pagserbisyo sa katawhan.(IKEN B. GULLEM)
Source: Zamboanga del Norte 1st Provincial Mobile Force Company