Nagpasiugda ug usa ka Clean-Up Drive ang mga personahe sa Zamboanga del Norte 1st Provincial Mobile Force Company (1st ZNPMFC), didto sa Barangay Sicayab, Dipolog City,Hulyo 20,2026.
Ang maong pagpasiugda sa nasangpit nga aktibidad gihimo ubos sa pagpanguna ni PMAJ GREGORIO JOEL C BUNGULAN, Officer-in-Charge, sa 1st ZNPMFC uban sa mga residente sa barangay Sicayab nga gipangunahan ni Hon. Joe Chris Empal, isip kabahin sa selebrasyon sa 31st Police Community Relations (PCR) Month.
Gipakita niini nga inisiyatiba ang lig-on nga panag-uban tali sa Philippine National Police ug sa komunidad sa pagpasiugda sa kalimpyo sa palibot, boluntaryong pagserbisyo, ug hiniusang responsibilidad.
Usa ka panaghiusa ug kooperasyon, alang sa padayon nga pagpalambo sa mas limpyo, mas himsog, ug mas luwas nga komunidad.(MEDALYN U. BORJA)
Source: PNP Zamboanga del Norte 1st Provincial Mobile Force Company