Naisayangkat iti Gaki Theater iti Munisipio ti Piddig ti Capitol Express ken Rice Distribution Program para kadagiti indigent individuals ken families, a nangted iti nadumaduma a libre a serbisyo ken tulong manipud iti Gobierno Probinsial ti Ilocos Norte iti panagkaykaysa ti Lokal a Gobierno ti Piddig. Babaen iti Capitol Express, nakaawat dagiti umili iti libre a medical check-up, libreng agas, reading glasses, tungkod ken wheelchair para kadagiti makasapul, feeds para kadagiti adda taraken na a baboy, ken nadumaduma pay a agricultural inputs ken suporta para iti sektor ti agrikultura. Naipatungpal met ti pannakaiwaras ti rice assistance kadagiti kualipikado a benepisiario kas paset ti panangsuporta iti inaldaw a kasapulan dagiti pamilya. Impakita daytoy nga aktibidad ti napigsa a panagkaykaysa ti Gobierno Probinsial ken Lokal a Gobierno ti Piddig iti panangipaay kadagiti napartak, naayat, ken natalged a serbisyo publiko. Babaen iti panagtinulong, agtultuloy a maidanon dagiti programa a mangted iti namnama, kinatalged, ken nasaysayaat a kalidad ti biag para iti tunggal umili iti piddig. By: Niña Tabilos