Padayon ang Bureau of Jail Management and Penology (BJMP) sa pagpalig-on sa rehabilitasyon sa mga Persons Deprived of Liberty (PDL) human ipatuman ang Therapeutic Community Modality Program (TCMP) sa Dipolog City Jail Female Dormitory, kabahin sa “Tara Alamin Episode 3,” sumala sa Press Release No. 374.
Kini usa ka programa nga gitumong sa pagdumala ug pag-usab sa panghunahuna ug pamatasan sa mga PDL pinaagi sa organisado ug istrukturadong mga kalihokan sa grupo.
Tumong niini ang paghatag og positibong kausaban sa ilang panglantaw sa kinabuhi, pagpalambo sa maayong pamatasan, ug pagdasig sa responsableng paghimo og desisyon.
Pinaagi sa programa, gitudloan ang mga PDL sa pro-social values, positibong paghunahuna, ug husto nga paagi sa pag-atubang sa mga hagit sa kinabuhi. Lakip usab niini ang pagkat-on sa socially acceptable nga pamatasan sa pakig-uban sa ilang kauban nga PDL, ingon man sa mga personnel ug bisita sa pasilidad.(IKEN B. GULLEM)
Source: BJMP DIPOLOG CITY JAIL