Mokabat sa 1,900 ang nakadawat sa tag-lima ka kilong bugas subay sa programang Ayuda ni Nanay Nene pinaagi sa Provincial Social Welfare and Development Office (PSWDO).
Nasayran gikan ni Dr. Jose “Pepe” Mante, PSWD Officer nga kaniadtong Setyembre 6 adunay mil kwatro sientos (1,400) ka mga indibidwal ang nakadawat sa tag lima ka kilong bugas sa lungsod sa La Libertad.
Kaniadtong Setyembre 8, adunay 500 ka mga residente sa lungsod sa Manukan ang nakadawat.
Samtang pagka Setyembre 9 laing 500 ang nahatagan sab sa lima ka kilong bugas sa barangay Dicayas ning dakbayan sa Dipolog.
Gikatakda usab nga laing mga indibidwal ang makadawat sa susamang ayuda karong Oktubre 3 didto sa barangay San Pedro, lungsod sa Godod nga usa sa mga hilit nga barangay niini.
(Source: Provincial Information Center Zanorte Facebook page)