Niangol og lima ka mga tawo ang panagbangga sa sakyanan didto sa Lungsod sa Minglanilla.
Pasado alas 9 kagabii, Septembre 22, 2022, didto sa Barangay Tungkop, Lungsod sa Minglanilla, probinsya sa Sugbo.
Ang mga naangol giila nga sila si Miraluna Narca, hingkod ang panuigon, taga Brgy. Langtad Siyudad sa Naga, Aillen De Gracia, 41 anyos ang pangidaron, residenti sa Brgy. Tinaan, Dakbayan sa Naga, Marilyn Visayas ,21 anyos, taga Brgy. Tinaan, Rheros Batucan ,42 anyos ang panuigon, nagpuyo sa Brgy. Alaska Mambaling, Siyudad sa Sugbo ug Edgar Rio Manubag 24 anyos, taga Brgy. Alpaco, Dakbayan sa Naga.
Giila usab ang nagmaniho sa pasaheruan nga multicab nga si Dario Canoy, 59 anyos, taga Brgy. Inayagan, Dakbayan sa Naga.
Sa gihimo nga imbestigasyon sa kapulisan sa Lungsod sa Minglanilla nga ang multicab nagbiyahi sa maong lugar sa dihang adunay kalit nilabang nga tawo.
Nisulay paglihay si Canoy apan nadasmag kini sa Howo Cargo flat truck nga gimaniho ni Astophel Ypil, 37 anyos ang pangidaron,taga Brgy. Umapad, Dakbayan sa Mandaue.
Sa maing pagdasmag niangol kinig mga pasahero nga nalandig sa tambalanan.
Ang kapulisan naghimo pag dugang imbestigasyin sa maong aksidenti samtang si Canoy atua pa sa kustodiya sa kapulisan. (Renante Lada, photo courtesy of MITCOM)