Dakpan sa mga Kapulisan, ang usa ka Kalaking nakuhaan og gituohang Iligal nga Drogang Shabu, maingon man, nakuhaan usab kini og mga Buhing Bala sa 45 nga Pistula, pinaagi sa gipahigayon nga Implementasyon sa Search Warrant, didto sa Purok 3, sa Barangay Balamban Lungsod sa Mahayag, Probinsiya sa Zamboanga Del Sur, pinaagi sa mga Personahe sa Mahayag Municipal Police Station (MMPS, kagahapong adlawa, Hulyo 17,2025 sa may alas 6:20 sa Gabie.
Giila sa Mahayag Pnp ang dinakpan sa alyas nga BLito, Lalaki nga anaa na sa 46 anyos ang pangidaron, ug Lumolupyo ra usab sa nahisgutang Lugar, diin ang maong dinakpan, nakuhaan gikan sa iyang Kontrol ug Posisyon sa Duha ka Midium-Sized nga naka Heat-Sealed Transparent Plastic Sachet’s, nga adunay sulod nga gituohang Shabu, maingon man ang Upat ka mga Buhing Bala sa 45 nga Pistula, lakip na usab niini ang mga nagkadaiyang mga Drug Paraphernalia.
Gisikop ang Suspetsado tungod sa nabuhat niining Krimen, nga pagsupak sa Republic Act 9165 (Comprehensive Dangerous Drugs Act of 2002), maingon man ang pagsupak usab sa Republic Act 10591 (Comprehensive Firearms and Ammunition Regulation Act) base sa Search Warrant nga giisyu sa RTC Branch 23, Molave, Zamboanga del Sur, penitsahan og Hulyo 15, 2025, diin ang mga nakumpiska gikan sa dinakpan, atua na gipadala sa Zamboanga del Sur Provincial Forensic Unit 9 sa Camp Reginaldo C. Abelon, Lumbia, Pagadian City, alang na sa Laboratory Examination.
Sa pagka karon ang Suspetsado, atua na ubos sa Kustodiya sa Mahayag Municipal Police Station, samtang giasikaso pa ang pagbalik sa Search Warrant ngadto sa Korte nga nag-isyu niini, maingon man alang na usab sa tukmang Disposasyon sa Suspetsado. (Julius Esmade)