Sikop ang usa ka lalaki sa kasong pagpangawat human kini gi isyuhan og warrant of arrest ni presiding Judge Hon. Chad Martin Paler, sa RTC, 9th Judicial Region, Marso 8 sa may alas 10 sa kabuntagon.
Giila ang matud pa kawatan nga si John Mark Bucaoco Gumucay, dise otso anyos, ulitawo ug lumulupyo sa Brgy. Biasong ning dakbayan. Ang maong pag aresto gipanguluhan sa mga operatiba sa CIDG Zamboanga del Norte, PFLI, 1st ZN Provincial Mobile company, ug Dipolog City Police Station (DCPS).
Ang maong kawatan dali kini gidala sa CIDG ZDN PFU para sa igong dukumentasyon ug dad-on kini ngadto sa Dipolog CPS para sa temporaryong detensyon.
Adunay gi sitar nga pyansa ang hukmanan nga sais mil ka pesos alang sa iyang temporaryong kagawasan. (Rigin O. Rusiana)
