Ang Police Regional Office 7 (PRO7) nakasikop og 183 ka suspek sa usa ka semana nga operations gikan Nobyembre 2 hangtod 8, 2025, bisan pa sa padayon nga recovery efforts tungod sa bagyong TINO.
Sa ilang kampanya batok sa illegal drugs, loose firearms, wanted persons, ug illegal gambling, nasikop ang 84 ka drug suspects ug nakompiskar ang 647.67 gramos nga shabu nga nagkantidad og ₱4,404,156.00. Sa operasyon batok sa loose firearms, nadakpan ang 14 ka tawo ug nakarekober og 36 ka unregistered firearms, 3 explosives, ug 204 ka bala.
Sa lain bahin, gisilbi ang 41 ka warrants of arrest, diin nadakop ang 11 most wanted ug 30 uban pang wanted persons. Sa operasyon batok sa illegal gambling, nasikop ang 44 ka suspek ug nasakmit ang ₱7,813.00 nga pusta.
Gipadayag ni Regional Director PBGen Redrico A. Maranan ang pagpasalamat sa dedikasyon sa tanan personnel, ug giingon nga bisan pa sa kalisod nga dala sa bagyo, padayon ang PRO7 sa pagpanalipod sa katawhan sa Central Visayas ug pagpatuman sa balaod.
Source: PRO7 PIO
I via Renante Socia Lada