Samdan sa wala nga bahin sa iyang nawung ang usa ka 16 anyos nga menor de edad homan gitigbas sa kainom niini nga 34 anyos nga lango sa ilimnong didto sa Sitio Taplan, Barangay Muñoz, Siayan, Zamboanga del Norte, niadtong Pebrero 13,2026, sa mga alas 7:13 ang takna sa kagabhion.
Ang maong panghitabo na report pinaagi sa tawag sa usa ka concern citizen nga misangpot sa pag responde sa mga personahe sa Siayan Municipal Police Station sa nahitaboan.
Sa inisyal nga imbestigasyon nagbutyag nga mga alas 6:45 sa gabii sa samang petsa, ang 16 anyos nga lalaki nga biktima ug ang 34 anyos nga lalaki nga suspek, parehong residente sa Siayan, anaa sa impluwensya sa makahubog nga ilimnon samtang nag-istoryahanay diin ang ilang diskusyon nahimong mainit nga panaglalis nga nag-aghat sa suspek sa pagkuha og sundang ug dayun tigbas sa biktima kausa, nga nakaigo sa wala nga bahin sa nawung nga maoy nahimong hinungdan sa pagka samad niini.
Ang biktima gidala dayon sa Siayan Diagnostic Center alang sa medikal nga pagtambal.
Samtang ang suspek malampusong nga nadakpan sa mga miresponde nga operatiba ug nakuha ang sundang nga gigamit sa insidente.
Ang nadakpan nga suspek gipahibalo sa iyang mga katungod sa konstitusyon, lakip ang Miranda ug mga pasidaan sa Anti-Torture, sa usa ka pinulongan nga iyang nasabtan homan gidala sa Siayan Diagnostic Center alang sa medikal nga eksaminasyon ug karon anaa sa kustodiya sa pulisya alang sa dokumentasyon ug pagpasaka sa angay nga mga kaso sa korte.(MEDALYN U. BORJA)
Source: ZNPPO