Malinawon ug hapsay nga natapos ang ASEAN Finance Ministers’ ug Central Bank Deputies’ Meeting gikan Pebrero 9 hangtod 13, 2026, ubos sa seguridad sa Police Regional Office 7 (PRO7).
Ang lima ka adlaw nga internasyonal nga tigum naghiusa sa mga opisyal sa finance sa ASEAN, mga deputy sa central bank, ug mga delegates para sa sunod-sunod nga mga kritikal nga diskusyon. Gikan sa pag-abot sa mga delegates hangtod sa katapusan sa meeting, walay dagko nga insidente nga nareport.
Gipangulohan ang seguridad sa Site Task Group Central Visayas ubos kang PBGEN Redrico A. Maranan, Regional Director sa PRO7. Pinaagi sa planado nga operasyon, intelligence monitoring, koordinasyon sa lain-laing ahensya, ug padayon nga deployment sa mga personnel, nasiguro ang kaluwasan ug kahapsay sa tibuok event.
Gideploy sa PRO7 ang liboan ka personnel sa Panglao ug uban pang strategic nga lugar sa Bohol, nga nagbantay sa venues, billeting areas, entry ug exit points, major roads, coastal zones, ug airspace corridors.
Gamit usab ang land, sea, ug air assets, lakip ang patrol vehicles, maritime units, air support, K9 teams, intelligence operatives, ug special response forces.
Gipasidunggan ni PBGEN Maranan ang tanan nga miyembro sa Site Task Group Central Visayas sa ilang dedikasyon ug paningkamot.
Gipasalamatan usab niya ang mga tawo sa Bohol ug mga local government units sa ilang kooperasyon ug suporta sa maong internasyonal nga tigum.
“All those who compose the Site Task Group Central Visayas, I admire your passion, dedication, and unwavering commitment in ensuring the ASEAN Finance Meetings a success in the Province of Bohol. Congratulations,” segon ni PBGEN Maranan.
Ang malinawon nga pagtapos sa ASEAN Finance Meetings nagpamatuod sa ka-andam ug kapasidad sa PRO7 sa pagsiguro sa seguridad sa dagkong internasyonal nga kalihokan, ug nagpaila sa Central Visayas nga luwas ug kasaligan nga lugar para sa global engagements.
Source: PRO7 PIO
I via Renante Socia Lada