Samdan,homan gipusil sa duha ka suspek ang usa ka 16 anyos nga menor de adad mga alas 11:10 ang takna sa kagabhion niadtong Abril 18, 2026, didto sa Barangay Del Pilar, Piñan, Zamboanga del Norte.
Naila ang biktima nga usa ka 16 anyos nga menor de edad,lalaki ug residente sa Barangay Calican, Piñan, Zamboanga del Norte kinsa gipusil sa duha ka suspek gamit ang kalibre .45 nga armas samtang nagtindog sa daplin sa dalan sa nahisgutang Barangay.
Ang biktima nakaangkon og samad pinusilan sa ubos nga bahin sa tiyan ug gidala dayon sa usa ka lokal nga tambalanan alang sa medikal nga pagtambal.
Homan sa pagpamusil,ang mga suspek daling mikalagiw sakay sa duha ka motorsiklo, usa ka itom nga Honda Beat ug usa ka itom nga Honda XRM, parehong walay plaka, padulong sa Polanco, Zamboanga del Norte, uban sa ilang mga drayber nga nahimutang layo sa crime scene.
Atol sa follow-up nga imbestigasyon ug pag-interbyu pag-usab sa mga saksi misangpot sa hustong pag-ila sa mga suspek, nga gihulagway nga lalaki, anaa sa hustong edad, ug mga residente sa Barangay Marapong, Sergio Osmeña, Zamboanga del Norte, diin ang usa nagsilbing gunman ug ang usa kauban.
Gikumpirma usab sa mga awtoridad nga ang mga naunang nailhan nga mga indibidwal wala nalambigit sa insidente.
Tungod niini, usa ka hot pursuit operation nga gihimo sa mga responding units nga miresulta sa pagkadakop sa usa ka suspek, nga usa ka 40 anyos , lalaki, minyo, ug residente sa samang lugar.
Ang nadakpan nga suspek anaa na karon sa kustodiya sa Piñan MPS, ug giandam na ang mga kaso nga ipasaka.
Samtang padayon pa ang imbestigasyon alang sa posibleng pagkadakop sa ubang mga nalambigit nga indibidwal.(MEDALYN U. BORJA)
Source: ZNPPO