Nagtingkagol karon sa prisohan homan maaresto ang usa ka 48 anyos nga wanted sa kasong Grave Threats atol sa gikasa nga intel-driven operation sa mga personahe sa kapulisan mga alas 4:40 ang takna sa hapon niadtong Abril 20, 2026,didto sa Barangay Malian,Gutalac, Zamboanga del Norte.
Ang maong dinakpan nga wanted person naila nga si alyas “Dandoy” 48 anyos, lalaki, ulitawo, drayber, ug residente sa Buug, Zamboanga Sibugay.
Kinsa gidakop pinaagi sa mga personahe sa Tracker Team sa ZN 2nd PMFC (lead unit), uban sa mga personahe sa Kalawit Municipal Police Station, 901st Maneuver Company, ug Regional Mobile Force Battalion 9 kalabot sa usa ka Intel-Driven Major Internal Security Operation (ISO) pinasikad sa warrant of arrest nga gi-isyu sa Municipal Circuit Trial Court sa Labason, Zamboanga del Norte, nga adunay piyansa nga Php 12,000.00.
Ang dinakpan gipahibalo sa hinungdan sa iyang pag-aresto ug mga katungod sa konstitusyon sa usa ka pinulongan nga iyang nasabtan ug gidala dayon sa Kalawit Rural Health Unit alang sa medical examination ug itugyan sa Kalawit Municipal Police Station para sa hustong disposisyon.(MEDALYN U. BORJA)
Source: ZNPPO