Dipolog: 16 anyos dalaga, mapasalamaton ni Gov. Jalosjos

0
0

Daku ang kalipay sa 16 anyos nga dalaga ngadto ni Governor Rosalina “Nanay Nene” Jalosjos tungod sa pinansyal nga suporta sa ipahigayong Palawan Pawnshop Pera Padala (PPS-PEPP) National Juniors Tennis Championships at Karawatan PPS Playground nga ipahigayon sa Puerto Princesa City, Palawan karong umalabot Setyembre 24-30 ning tuiga.

Visit RPN DXKD Dipolog

Si Christine Mae Gulagula, Grade 11 student sa Dapitan City National High School mi-kortesiya ni Provincial Administrator Atty. Dug Christoper “Popoy” Mah.

Matud pa sa batan-on nga daku ang iyang pasalamat ni Governor Jalosjos ug ni Atty. Mah sa padayong pagsuporta kaniya isip manuwaay sa tennis.

Sumala pa ni Christine Mae nga wala na sayang ang iyang pagduol tungod kay todo-suporta kini kaniya.

Asoy pa sa dalaga nga sukad sa iyang pagka-elementarya nga midula sa tennis sa Palarong Pambansa, gi-suportahan na siya ni Nanay Nene nga Mayor pa sa dakbayan sa Dapitan kaniadto.

Niini, nadasig si Christine Mae ug daku ang tinguha nga makab-ot ang kadaugan isip nag-inusarang representante sa Zamboanga del Norte.

Kahibaloan nga ang sports usa sa mga talamdan sa pangagamhanan ni Governor Jalosjos aron ang kabataan mahalikay sa ginadiling mga bisyo ug suportahan sa kanunay ang makugihon nga kabataan aron makab-ot ang ilang pangandoy sa kinabuhi.

(Source: Provincial Information Center Zanorte Facebook page)

LEAVE A REPLY

Please enter your comment!
Please enter your name here