Naglatag na ng African Swine Fever (ASF) checkpoint ang Pamahalaang lokal ng Legazpi City sa border control sa bahagi ng Sugoy at Barangay Bariis.
Ayon kay City Veterinary Officer Dr. Manny Estipona, ito ay bahagi ng precautionary measures alinsunod sa Executive Order ni Mayor Geraldine Rosal.
Batay sa kautusan, bukod sa naturang hakbang ay nagpatupad ng temporary total ban ng baboy sa Sorsogon sa jurisdictional territory ng Legazpi City.
Samantala, nag-abiso naman ang opisyal sa lahat ng stakeholder lalo na ang mga meat at livestock dealer sa pansamantalang iwasan ang muna ang pagbilig ng mga baboy sa Sorsogon.
Bukod dito, nagpaalala si Estipona sa mga hog raisers na istriktong isagawa ang mga biosecurity measures upang makaiwas sa ASF.
(Source: Bicol PH, photo courtesy by Dr. Emmanuel Estipona)