Nagkatigom ang mga nag-unang opisyal sa lokal ug nasyunal nga pangagamhanan, kauban ang mga benepisyaryo ug teknikal nga mga eksperto, sa usa ka Inception Meeting alang sa pagtukod sa Common Post-Harvest Facility nga gipahigayon sa City Agriculture Office – Fisheries Division sa Barangay Bagting, Dapitan City.
Gitambongan kini ni BFAR RFO IX Regional Director Al-Zath K. Kunting, City Vice Mayor Gabriel M. Cad, City Administrator Danilo S. Areños Jr., Committee on Agriculture Chairman Hon. Dennis A. Tan, City Agriculturist Cyril Patangan, mga representante sa City Planning and Development Office ug City Engineer’s Office, mga grupo sa benepisyaryo, ingon man ang Ecosystems Consultancy and Allied Services Co. nga maoy gisaligan sa paghimo sa feasibility study sa proyekto.
Tumong sa miting ang pagtigom sa angay nga datos ug impormasyon alang sa feasibility study, ug paghatag og higayon sa mga stakeholders sa pagpahayag sa ilang mga panginahanglanon aron kini maapil sa disenyo ug implementasyon sa proyekto.
Ang giplanong Common Post-Harvest Facility maglakip sa Fish Landing Facility, Warehouse, Common Service Facility alang sa fish processing, ug Cold Hub/Ice Plant, nga ipahimutang tanan sa Barangay Bagting, Dapitan City.
Kini nga lakang nagtinguha nga suportahan ang natural nga pagpanganak ug pagpisa sa itlog sa alimango, usa ka importante nga produkto sa Dapitan City nga dako og papel sa kalig-on sa panginabuhian sa mga lokal nga mangingisda.(IKEN B. GULLEM)
Source: City Government of Dapitan