Kapin 134 ka sako sa bugas ang malampusong naipanghatag sa Barangay Talisay ubos sa Benteng Bigas Program sa Dapitan City, nga nakaserbisyo sa 670 ka mga panimalay.
Kini nga distribusyon kabahin sa padayon nga paghatod sa programa sa nagkalain-laing barangay aron matabangan ang mga pamilyang nanginahanglan, ilabi na karon nga nagasaka ang presyo sa mga palaliton. Ang bugas nga gibaligya sa ₱20 matag kilo nagtumong sa pagpagaan sa gasto sa matag panimalay samtang gisiguro ang maayong kalidad niini.
Nahimong posible ang kalihokan pinaagi sa paningkamot sa lokal ug nasyonal nga panggamhanan, ilabina ni Evelyn Belen T. Uy, uban sa ubang mga lider nga nagpalig-on sa mga programa alang sa seguridad sa pagkaon.
Samtang, pdayon nga ipatuman ang distribusyon sa ubang mga barangay sa mosunod nga mga adlaw aron mas daghan pang pamilya sa dakbayan ang makabenepisyo sa maong inisyatibo.(IKEN B. GULLEM)
Source: City Government of Dapitan