Nagpadayon ang Task Force Alambre sa pagpahigayon og cable clearing operation niadtong Biyernes, Pebrero 20, 2026, sa palibot sa Mibang Hotel sa Barangay Sta. Filomena, Dipolog City.
Gipangulohan kini sa Office of the Building Official isip kabahin sa padayon nga kampanya sa Dipolog City aron tangtangon ang nagbitay ug wala na magamit nga mga kable, mapalambo ang kaluwasan sa publiko, ug masiguro ang hapsay nga kahimtang sa mga linya sa kuryente ug telekomunikasyon sa mga nag-unang dalan ug komersyal nga lugar.
Padayon nga naglibot ang Task Force Alambre sa nagkalain-laing barangay aron masiguro ang pagsunod sa safety standards ug aron mapalambo ang kahapsay ug dagway sa kadalanan sa siyudad.(IKEN B. GULLEM)
Source: Dipolog City Government