RIZAL, Zamboanga del Norte — Malampuson nga nahuman ang Blood Letting Activity sa Rizal Rural Health Unit sa pakigtambayayong sa Zamboanga del Norte Medical Center niadtong Pebrero 20, 2026, diin 121 ka bag sa dugo ang nakolekta gikan sa 140 ka boluntaryong donors.
Gipahigayon ang kalihokan sulod sa campus sa Colegio de San Francisco Javier nga maoy nag-host sa maong aktibidad, uban sa aktibong partisipasyon sa mga estudyante ug faculty, lakip ang suporta sa lokal ug barangay officials, CAFGU personnel, BHWs, BNS, NGOs, ug mga miyembro sa nagkalain-laing grupo sa komunidad.
Ang partisipasyon sa mga donors gikan sa 22 ka barangay nagpakita sa lig-on nga panaghiusa ug kooperasyon sa lungsod sa paghatag og kinabuhi pinaagi sa boluntaryong pagdonar og dugo.
Ang nakolektang dugo gilauman nga makatabang sa mga pasyente nga nanginahanglan og dugo sa mga ospital, samtang nagpalig-on sa kahandam sa health sector sa pag-atubang sa mga emerhensiya sa komunidad.(JENIFFER JR. DELICA)
Source: RIZAL RURAL HEALTH UNIT