DIPOLOG CITY — Gipahigayon sa CAD ug WCPD personnel sa Dipolog City Police Station ang Ugnayan sa Paaralan/Kabataan Program sa Zamboanga del Norte National High School–Turno aron palig-onon ang panag-partner sa PNP ug mga eskwelahan.
Gipangunahan ni PCPT Charlot M. Lapiz, WCPD/CAD Officer, ang awareness lecture uban sa suporta sa Local Government of Dipolog, sa koordinasyon sa school principal ug barangay officials. Gipahigayon ang kalihokan sa covered court sa maong eskwelahan.
Gipunting sa programa ang pag-edukar sa mga estudyante aron malikayan ang ilang pagkahimong biktima sa abuso ug kriminalidad, samtang gipasiugda ang mensahe nga “Stand Tall, Stand Strong, Stand Drug-Free” ug “Youth as Partners for Peace and Public Safety.”
Gidasig usab ang kabatan-onan nga mahimong aktibong kauban sa Philippine National Police sa kampanya batok sa ilegal nga droga, terorismo, ug uban pang hulga sa kalinaw ug kahapsay sa komunidad.(JENIFFER JR. DELICA)
Source: Dipolog City Police Station, ZNPPO