Opisyal nang kabahin sa City Scholarship Program ang 70 ka estudyante human mapahigayon ang Scholarship Orientation ug pagpirma sa Scholarship Agreement niadtong Hunyo 26 sa Social Hall sa ikaduhang andana sa Museo Dipolog.
Gipangunahan ni City Mayor Roberto Y. Uy ang ceremonial signing ug gipasig-uli ang padayon nga suporta sa City Government sa edukasyon sa mga takos nga Dipolognon nga estudyante.
Mitambong usab sa kalihokan sila City Information Officer Lorenzo A. Aseniero II, SPMU Coordinator Leonor R. Rabino, City Councilor Raul C. Barbaso, ug retiradong City Prosecutor Atty. Hermenia Enero, nga nagdasig sa mga iskolar nga paningkamotan ang kahusayan sa pag-eskwela, tumanon ang ilang responsibilidad, ug gamiton sa hustong paagi ang higayon nga gihatag pinaagi sa scholarship program sa siyudad.(JENIFFER JR. DELICA)
Source: Dipolog City Government