Onse (11) sa 12 ka mga barangay sa 8 ka mga lungsod sa Zamboanga del Norte nga gipailalom sa Barangay Drug-Clearing Deliberation ang gideklarar sa Regional Oversight Committee nga mga drug-cleared barangays sa lalawigan.
Kini mao ang barangays Baybay, Fatima, Kauswagan, ug Kayok, sa Liloy; Pangian sa Siocon; Mantivoh sa Sibuco; Poblacion Mutia; Langatian sa Roxas; Pitawe sa Gutalac; Turno sa Dipolog; ug San Pedro, Dapitan City. Bugtong ang barangay Makiang sa Siocon ang wala makapasar.
Ang Barangay Drug-Clearing Deliberation gipahigayon sa Zamboanga del Norte Convention and Exhibition Center (ZNCEC) nga nahimutang sa Barangay Estaka ning Dakbayan sa Dipolog, Disyembre 13,2023.
Gihatagan ug punto ni PDEA Assistant Regional Director Ralph Rommel D. Torres ang kamahinungdanon sa functionality sa mga Barangay Drug Abuse Council sa kalampusan niining maong programa sanglit kini man ang magmonitor sa kalihokan sa nailhang mga drug personalities sa usa ka barangay.
Dugang pa ni Mr. Torres, nga ang pagkadeklarar sa usa ka barangay nga drug-cleared barangay, mapunta lamang sa way hinungdan kung dili niini mamintinar ang maong status tungod kay ma-revoke man kini kon makita nga mibalik ang kalihokan sa mga drug personalities sa lugar.
(Source: Provincial Government of Zamboanga del Norte Facebook page)