Nahatagan og libreng medical ug dental services ang 101 ka Children in Conflict with the Law o CICL sa Regional Rehabilitation Center for Youth sa Polanco, Zamboanga del Norte niadtong Agosto 13 pinaagi sa Kuyog Ta! Medikal ug Serbisyo Caravan.
Gidala mismo sa RRCY sa mga doktor ug medical personnel ang serbisyo sa probinsyal nga pangagamhanan sa Zamboanga del Norte ubos sa administrasyon ni Governor Darel Dexter T. Uy, lakip ang konsultasyon, pagpabuto sa ngipon, mga tambal ug bitamina.
Mokabat sa 56 ka CICL ang napaibot og ngipon, samtang gihatagan og bitamina ang kadaghanan nga walay gibating sakit. Sumala kang Jayson L. Rendoque, Supervising Social Worker sa RRCY Region IX, nakahatag kini og dakong kahupayan sa pasilidad tungod kay maglisod sila sa pagdala sa mga CICL ngadto sa tambalanan ug nagkinahanglan pa og pagtugot sa korte aron makagawas sila.
Giingon sa mga personahe sa RRCY nga unang higayon nga gipahigayon sa ilang pasilidad ang maong medical ug dental outreach, diin nakapahimulos usab sa serbisyo ang mga personahe human maatiman ang mga CICL.(JENIFFER JR. DELICA)
Source: Zamboanga del Norte Provincial News Network