Ipahigayon ang libreng surgical check-up ug konsultasyon sa Zamboanga del Norte Medical Center o ZNMC karong Agosto 27 hangtod 28, diin maka-avail ang publiko og serbisyo gikan sa mga specialist surgeon nga nagsuporta sa Medical Program ni Governor Darel Uy.
Atubangon sa konsultasyon sila Dr. Jonathan Navarro, Hepatobiliary and Pancreatic Surgeon, Liver Transplantation ug General Surgeon, ug Dr. Imeldo Gamallo, General Surgeon Oncologist.
Lakip sa mga kaso nga mahimong ipasusi ang breast mass, hernia, thyroid mass o goiter, tumors ug cysts, hepatobiliary ug pancreatic cases, liver diseases, cancer cases, ug uban pang general surgery cases.
Gipahigayon ang maong libreng serbisyo sa Outpatient Department sa Zamboanga del Norte Medical Center. Alang sa dugang impormasyon, mahimong moduol sa OSAC Center sa Provincial Capitol ug sa ZNMC Medical Team Office.(JENIFFER JR. DELICA)
Source: Zamboanga del Norte Provincial News Network