Gipahigayon ang inisyal nga coordination meeting alang sa Dipolog Marathon 2026 niadtong Agosto 12 sa ika-upat nga andana sa City Hall sa Dipolog City, aron hisgutan ang mga unang lakang sa pagpahigayon sa maong kalihukan.
Gipangulohan ni City Councilor Hon. Harrison T. Young ang miting uban sa mga miyembro sa Trisome Dipolog, nga maoy organizer sa marathon. Mitambong usab ang mga representante sa mga concerned offices sa City Government of Dipolog ug ubang stakeholders.
Gihisgutan sa mga mitambong ang mga inisyal nga preparasyon, koordinasyon, ug uban pang mga kinahanglanon alang sa hapsay nga pagpatuman sa kalihukan.
Gikatakdang ipahigayon ang Dipolog Marathon 2026 sa Oktubre 4, 2026, nga magdala sa mga running enthusiasts ngadto sa siyudad ug maghatag og higayon alang sa aktibong partisipasyon sa komunidad.(JENIFFER JR. DELICA)
Source: Dipolog City Government