Gitugyan ngadto sa City Agriculture Office sa dakbayan sa Dapitan ang mokabat ngadto sa 100 ka sako sa Urea Fertilizer nga (46-0-0) gikan sa Department of Agriculture, niadtong nakalabay’ng adlaw, Agusto 05,2025 .
Ang nasangpit nga mga sinakong abuno matud pa ni City Agriculturist Cyril Patangan, nga ipang-apod-apod nila kini ngadto sa mga Mag-uuma sa mga Hybrid nga Humay sa mga Kabarangayan nga sakop sa nasangpit nga Syudad, alang sa Pagpa-uswag sa Produksyon sa ani sa ilang mga tinanum nga Humay, aron usab makaminos sila sa ilang mga galastuhon sa ilang mga Pagtikad sa ilang mga Basakan.
Tungod sa maong mga sinakong abUno, nagpasalamat ang City Government sa Dapitan, ngadto sa Department of Agriculture, sa ilang gibuhat nga Suporta ngadto sa mga Local Farmer’s, maingon man nga mipasalig ang buhatan sa City Agriculture sa Dapitan, nga ila dayon kining ipanghatag ngadto sa mga Mag-uuma, pinaagi sa mga Agri Extension Workers sa matag barangay. (Julius Esmade)