Mipahigayon og Benchmarking ang Assessor’s League of Agusan del Sur (ALAS) ngadto sa dakbayan sa Dapitan, partikular sa Amphitheater, sa Government Center, Agusto 06,2025 sa buntag.
Tumong sa gibuhat nga pagbisita sa nasangpit nga mga personahe gikan sa Probinsiya sa Agusan Del Sur, alang sa ilang gibuhat nga pagpangandam sa umalabot nga 2027 General Revision Project, diin matud pa kini konektado sa Republic Act No. 12001, nga mas naila nga the Real Property Valuation and Assessment Reform Act (RPVARA), diin gi-promote niini ang Transparency, Consistency, ug ang Standardization in Real Property Valuation.
Matud pa nga mainiton nga gi-welcome ang nasangpit nga mga bisita, sa pagpanguna ni Mayor Evelyn T. Uy, maingon man ni City Administrator Danilo S. Areños, lakip usab niini ang City Assessor nga si Noli Gandamon, diin gipatin-aw usab ni City Tourism Operations Officer II Antonio R. Tomboc, ang mga Torist Distination ug ang mga Historical Sites, sa Syudad sa Dapitan, ug kini gipasalamat og dako sa nahisgutang mga Dumoduong, tungod kay ilang nasinatian, ang ilang mga nabalitaan, nga mga Talan-awan sa Dapitan City, diin ila usab kining masuhid, sa ilang pagbalik sa ilang lugar, didto sa Agusan Del Sur.(Julius Esmade)
Source: CITY GOVERNMENT OF DAPITAN