Usa ka gatos ka mga mag-uuma sa Kalawit, Zamboanga del Norte ang nakabenepisyo sa Rice Information Caravan nga gipahigayon sa Department of Agriculture-9 isip kabahin sa padayon nga kampanya sa ahensya aron mapalig-on ang produksyon sa humay ug mapalapdan ang kahibalo sa mga mag-uuma.
Atol sa kalihokan niadtong milabay nga adlaw, gipaambit sa DA-9 ngadto sa mga partisipante ang nagkadaiyang impormasyon kabahin sa mga programa ug serbisyo sa ahensya nga makatabang sa pagpausbaw sa ilang pagpanguma.
Nakadawat usab ang mga partisipante og biocontrol agents gikan sa Rice Competitiveness Enhancement Fund Rice Processing Center (RCPC) isip suporta sa mas lig-on ug mas episyenteng rice farming.
Nitambong sa maong kalihokan sila DA-9 Assistant Provincial Coordinating Officer (APCO) sa Zamboanga del Norte George Vallente, Kalawit Mayor Arcel Antojado, ug Municipal Agriculturist Ronald Cabual nga nagpahayag sa ilang suporta sa mga programa alang sa sektor sa agrikultura sa lungsod.(IKEN B. GULLEM)
Source: Department of Agriculture ZAMPEN