Nadugangan og 100 ka Lumbayao tree seedlings ang kahoy nga gitanom sa City Government of Dapitan human sa malampusong gipahigayon nga pinakabag-ong tree-planting activity sa barangay road sa Barangay San Vicente niadtong Hulyo 16, 2026.
Gipangulohan ang kalihokan nila City Councilors Bienvenido Diniay, Erasmo Bayron, ug Ruel Nadela kauban ang City Environment and Natural Resources Office (CENRO), sa pakigtambayayong sa mga opisyal sa Barangay San Vicente.
Ang pagtanom sa 100 ka Lumbayao trees kabahin sa regular nga greening program sa siyudad nga nagtumong sa pagpalambo sa roadside greenery, pagpanalipod sa kinaiyahan, ug pagpalig-on sa mga lakang batok sa epekto sa climate change.
Padayon nga gihimo ang maong inisyatiba sa pakigtambayayong sa 50 ka mga barangay sa Dapitan aron mapadayon ang reforestation ug mapalambo ang aktibong partisipasyon sa komunidad sa pag-atiman sa kalikupan.
Pinaagi sa dugang nga 100 ka kahoy nga gitanom, nagpadayon ang City Government sa pagpalig-on sa iyang panan-awon alang sa mas lunhaw, mas limpyo, ug mas malungtarong Dapitan.(IKEN B. GULLEM)
Source: Dapitan City Government