Pormal nga giturn-over ni Congresswoman Irene Labadlabad ang tulo ka development projects sa Barangay Canibongan nga gilauman makahatag og mas maayong serbisyo ug imprastraktura sa komunidad.
Lakip sa mga proyekto ang road concreting sa Lower Mamara nga nagkantidad og ₱5 milyon, road concreting sa Upper Tinaan nga adunay ₱2 milyon nga pondo, ug usa ka two-storey barangay hall nga nagkantidad og ₱1 milyon.
Miatambong sa turnover ceremony ang mga representante sa Provincial Government, sila Board Members Chady Yebes ug Dante Bagarinao, Mayor Ismael Rengquijo Jr., Vice Mayor Jun Yebes, Barangay Captain Raymund Catampongan, SK Chairman Ronald Cobillo, ug uban pang barangay officials.
Gipasiugda ni Cong. Labadlabad nga ang malampusong paghuman sa mga proyekto nagpakita sa kusog sa panaghiusa ug kooperasyon sa gobyerno ug komunidad, samtang iyang gisaad nga adunay pa’y dugang proyekto ug oportunidad nga moabot alang sa mga residente sa Barangay Canibongan.(IKEN B. GULLEM)
Source: Irene “Ate Ai” Labadlabad