Gipadayag sa lokal nga kagamhanan sa Dapitan ang ilang pasalamat sa Bureau of Jail Management and Penology (BJMP) Dapitan Persons Deprived of Liberty (PDL) tungod sa ilang kontribusyon sa paghimo sa mga handcrafted stars nga nagpasiga sa Christmas displays karong tuiga.
Ang mga parol sa siyudad mas hayag ug mas espesyal kay nagpakita kini dili lang sa kalipay sa Pasko kundi lakip usab sa paglaum ug pangandoy sa mga nagtabang sa paghimo niini.
Matod pa sa LGU Dapitan, ang partisipasyon sa mga PDL usa ka timaan sa pagkahiusa sa komunidad ug sa paghatag ug kahulugan sa selebrasyon sa Pasko.(JENIFFER JR. DELICA)
Source/Photo Courtesy: City Government of Dapitan