Malampuson nga gi-turn over niadtong Mayo 8, 2026 ang bag-ong Multi-Purpose Building (Covered Court) sa Barangay Dionum, nga nagkantidad ug hapit ₱6 milyon ug gilauman nga mahimong sentro sa sports, miting, ug uban pang kalihokan sa komunidad.
Ang maong proyekto giisip nga dakong tabang sa pagpalig-on sa serbisyo sa barangay ug kabahin sa padayon nga paningkamot sa lokal nga gobyerno sa pagpalambo sa imprastruktura sa grassroots level aron mapalapad ang serbisyo ug oportunidad alang sa mga residente.
Mitambong sa turn-over ceremony ang mga lider lakip si first district Roberto “PinPin” Uy Jr., Board members Jimboy Chan, Dario Mandantes, ug si Roland Icao, nga mipakita sa ilang suporta alang sa kalamboan sa barangay.
Gipadayag usab ang hinungdanong papel sa Department of Public Works and Highways sa pagpatuman sa proyekto.
Mipasalig ang barangay leadership nga magpadayon ang pagduso sa dugang proyekto nga magpauswag sa serbisyo ug kalidad sa kinabuhi sa mga residente.(IKEN B. GULLEM)
Source: Mayor Rommel Gudmalin