Aktibong mipartisipar ang mga residente, barangay opisyal, ug fishpond operators sa Barangay Tibangao sa public consultation ug situational analysis nga gipangunahan sa Department of Environment and Natural Resources (DENR) CENRO Siocon, isip kabahin sa pag-andam sa Tibangao Wetland Management Plan.
Gipakita sa kapin 50 ka partisipante ang ilang lokal nga kahibalo ug kasinatian sa pagdumala sa baybayon, lakip ang mga obserbasyon sa kausaban sa kalikopan nga makatabang sa pagkompleto sa siyentipiko ug community-based nga plano sa wetland.
Gipunting sa diskusyon ang papel sa wetlands isip natural nga panalipod batok sa baha, pinuy-anan sa wildlife, natural nga water filter, ug tinubdan sa panginabuhian sa mga komunidad sa baybayon.
Gipresentar usab ang wetland profiling nga naglatid sa kahimtang sa mangrove species, kalidad sa tubig, ug mga problema sama sa illegal conversion sa mangrove areas, polusyon, ug improper waste disposal.
Pinaagi sa workshop sa SWOT ug problem analysis, giila sa mga partisipante ang mga hinungdan sa environmental degradation ug nakaporma og praktikal nga solusyon nga nakabase sa komunidad.(IKEN B.GULLEM)
Source: DENR ZAMBOANGA PENINSULA