Gipagula sa lokal nga kagamhanan sa Dapitan ang ₱6.6 milyon nga pundo alang sa terminal leave benefits sa mga elected ug co-terminous officials gikan sa miaging administrasyon.
Sumala sa city government, ang pagpagawas sa maong pundo kabahin sa pag-atiman sa mga obligasyon sa LGU nga wala pa mabayri sa miaging mga tuig. Ang terminal leave benefits usa ka benepisyo nga gihatag sa mga opisyal ug kawani nga natapos na ang ilang termino sa pagserbisyo.
Gipahayag usab sa City Hall nga ang pagproseso sa maong bayad gihimo base sa balaod ug sa mga dokumentong gisumite, ug walay pagtan-aw sa partido o kauban sa politika sa mga makabenepisyo.
Kini nga lakang giila isip usa ka administratibong aksyon aron masiguro nga matuman ang mga responsibilidad sa lokal nga kagamhanan ug mahuman ang mga natanggong obligasyon sa benepisyo sa mga kwalipikadong kawani.(IKEN B. GULLEM)
Source: City Government of Dapitan